媽媽牌同盟母乳快閃2024 – BB開餐在中山

#母乳快閃 係 #媽媽牌同盟每年嘅signature event, 希望喚起社會大眾對母乳餵哺嘅關注，建構母乳餵哺友善嘅環境。隨住疫情封關隔離，活動被迫停辦；今年，我哋復活啦！邀約各位新知舊雨嚟到支持我哋，再次快閃！

今次會去到中山紀念公園，搵埋國父同我哋一齊快閃！

喺中山紀念公園入面有三個石碑 - 「自由」﹑「平等」﹑「博愛」

孫中山先生曾經講過「自由、平等、博愛是根據於民權。」。呢幾樣嘢，亦體現喺母乳餵哺友善嘅環境：

自由： #行到邊、 #餵到邊、 #你有得揀

平等：無論職場、商場，定係任何場合，母乳BB應受到平等對待及尊重其「開飯」嘅權利

博愛：幼吾幼以及人之幼，喚起大眾關愛包容母乳餵哺家庭

參加活動有咩嘢玩？

今年嘅形式會較為輕鬆，我哋會喺水景廣場快閃，一家大細可以喺活動完結後喺草地野餐。

此外，我地會同大家一齊參觀康文署育嬰間，由大家去點評下有咩值得讚賞同改善嘅地方，向康文署提交意見。一切改變，要由你我開始。

Early Bird有無著數？

參加嘅bb都會獲得一件靚靚嘅「我係母乳bb」 T shirt (藍色)

而媽媽們則有機會獲得親子裝媽媽款(粉紅色)（數量有限，先到先得）

有興趣參與嘅家庭請在此購買免費門票及填寫聯絡資料

稍後會邀請大家加入WhatsApp group 統一發放資訊！

唔好諗啦！快D報名啦！5.5.2024, 下午2點，中山紀念公園見！