國際母乳週公眾論壇 X 母乳快閃行動2021

國際母乳週公眾論壇 X 母乳快閃行動2021

『母乳快閃行動』（集體哺乳）係香港奶媽界一年一度嘅盛事，雖然我哋可以上街say yes 嘅空間越嚟越細，但都唔會阻礙到我哋嘅熱情！

適逢8月份國際母乳週，主題就係「 保護哺乳責任共擔」（Protect Breastfeeding: A Shared Responsibility），媽媽牌好想為一眾媽媽大聲講：「 生仔唔係女人一個人嘅事嚟咖！」，所以請大家一齊為呢件咁偉大嘅事共同努力！無論係家人嘅家庭責任，定係每一個社會人士嘅社會責任，少左任何一份支持，都會令到哺乳及育兒步步為艱…

因為疫情關係，我地今年繼續網上！我哋主場，我哋話事 ！今年仲破天荒請嚟麥雅緻Angie做嘉賓，為我地分享佢由第1胎到而家陀第3️胎嘅辛酸喜樂， Angie同大部分媽咪都一樣，係餵母乳嘅過程唔係一帆風順，但好彩當時入到媽媽牌嘅 母乳餵哺支援區 ，遇到一班同路人，令佢不再徬徨。為咗今次大會主題責任共擔，Angie仲非常驚喜地，為我地邀請左佢老公張頴康Hong，同我地一齊分享佢支持老婆嘅點滴，係咪好想知道Hong係現實生活中係咪都係一個「完美」老公同爸爸呢！一定要報名參加我地今次活動呀！另外又點小得媽媽牌同盟嘅星級顧問國際母乳顧問張麗賢女士Ellen，即場為Angie兩公婆同埋現場媽媽解答母乳迷思！

仲等？快啲留言輸入：參加2021母乳快閃

30/7日 星期五， 晚上8:00-9:30， 約定你