#回頭看看我的最初...
好多謝舊雨新知點名支持媽媽牌，但有心人仲勁，幫媽媽牌 #作故仔，搵到我地已摺咗嘅Website舊圖，#以為有圖有真相，自己諗埋就當真。呢啲跟車太貼嘅舉動，真係多謝晒。 不過，呢個係良好嘅提醒，係時候幫媽媽牌做下回顧：
《那些年。媽媽牌做過嘅實事》
由2011年開始…
一班授乳媽媽有感喺香港餵人奶嘅環境好艱難，於是喺FB開谷，互相支援。到2014年，正式定名叫【媽媽牌同盟】，意思即係一群因母乳餵哺而走在一起嘅「盟友」。由網上走到現實，【媽媽牌同盟】喺2015年正式註冊為社團，由義媽包辦整個團體嘅運作，堅持 #將最好給最愛，透過 #網上支援，#倡議工作 及 #各式各樣實體活動，改善香港母乳友善環境。
當中，#社會倡議工作，以及 #監察母乳支援行業不正當行為，最能夠代表一眾授乳媽媽維護權益，但同時會打爛人地飯碗/ 削人利益，成為 #最受攻擊嘅工作。面對風雨，媽媽牌仍會堅守宗旨，只因我地都係授乳媽媽，自己都唔出聲，邊個會為我地出聲？
又睇下義媽們點樣落手落腳做實事：
05.2013
首次舉行 #母乳快閃行動，喺香港文化中心門外，爭取授乳媽媽在室外哺乳不被歧視及提供合適的哺乳空間
12.2013
向「集思港益」人口政策公眾參與活動提交建議書
05.2014
#母乳快閃行動，喺香港文化中心門外，爭取政府建築物需要有母乳餵哺空間
07.2014
參與 香港立法會《2014年食物及藥物(成分組合及標籤) (修訂)(第2號)規例》小組委員會會議表達意見。
10.2014
向平等機會委員會「歧視條例檢討」公眾諮詢遞交建議書
05.2015
#母乳快閃行動，喺天星小輪，爭取公共交通工具內哺乳不受歧視。 於2016年 新渡輪增設母乳餵哺室
05.2015
參與聯合國兒童基金會愛嬰醫院的倡議工作
05.2016
#母乳快閃行動，喺港鐵大圍站，爭取公共交通工具內哺乳不受歧視
05.2016
參與 香港立法會 人力事務委員會「有關僱傭條例內產假規定」討論。
07.2016
一個媽媽向媽媽牌哭訴，因為喺FB述說自己接受私營母乳支援服務既不快經歷， 被人出律師信要求收回言論同道歉：其後媽媽收到有人將應該予以保密的Whatsapp對話內容放上網， 完全違反國際認證泌乳顧問（IBCLC）嘅保密守則，故媽媽牌就此向IBLCE作出投訴。
同時，媽媽牌眼見群組內有好多被催乳師推損胸，延誤診治，或者被陪月誤導既個案，媽媽牌亦就此事向食物及衞生局提出要求加強監管及訂立機制，規範母乳支援服務。
04.2017
參與香港立法會 衞生事務委員會《香港配方奶及相關產品和嬰幼兒食品的銷售守則》聽證會。於同年正式推行 #香港守則
相關聯結：
05.2017
#母乳快閃行動，喺沙田新城市廣場，爭取公共空間及大型建築物需要有私隱及足夠的母乳餵哺空間，並作出合理管理。
11.2017
IBCLC Catherine CHOW女士以（打飛機）類比（引奶陣）的文章， 誤導公眾將性興奮與引奶陣反應混為一談， 出聲明譴責，並展開聯署行動，以眾人聲音告訴肇事者，其言論不必要且對公眾構成滋擾， 違反IBCLC守則及公眾對IBCLC的期望 。
除此之外，#媽媽牌曾接受不同媒體訪問（CCTVB、熱血親子團、香港電台、明報、HK01），推廣 #母乳最好 嘅概念及 #關注授乳媽媽權益 嘅訊息。
#媽媽牌同盟 就是由 #母乳同路人 組成，將心比己，希望大家都能夠繼續支持媽媽牌，與大家一起發聲，令 #母乳友善的家在香港。
Comments